Shërbimet Tona
Ortodonci
Ortodoncia merret me drejtimin dhe rregullimin e pozicionit të dhëmbëve dhe nofullave, duke siguruar një buzëqeshje të harmonizuar dhe funksion të shëndetshëm të dhëmbëve.
Shërbimet përfshijnë përdorimin e aparateve fikse tradicionale, aparateve të tejdukshëm (Invisalign) dhe trajtime të personalizuara për fëmijë dhe të rritur. Me trajtime moderne, ortodoncia nuk ofron vetëm rezultate estetike, por edhe përmirësim të shëndetit oral dhe funksionit të përtypjes.
Preventivë
Preventiva përqendrohet në kujdesin bazë të shëndetit oral dhe ruajtjen e dhëmbëve të shëndetshëm në përditshmëri. Ajo përfshin shërbime parandaluese dhe trajtime themelore si: kontrollat periodike, pastrimi profesional i dhëmbëve, mbushjet estetike, trajtimi i kariesit dhe i infeksioneve dentare.
Qëllimi kryesor është parandalimi i problemeve më serioze, ruajtja e shëndetit oral dhe krijimi i një buzëqeshjeje të qëndrueshme e të shëndetshme për çdo pacient.
Pedodonci
Pedodoncia fokusohet në kujdesin dentar për fëmijët, duke krijuar një përvojë të qetë dhe pozitive që nga mosha e hershme. Ajo përfshin kontrolla rutinë, trajtimin e kariesit, pastrime dhe edukim mbi higjienën orale.
Qëllimi është parandalimi i problemeve dentare, ndërtimi i zakoneve të shëndetshme dhe sigurimi i një buzëqeshjeje të bukur që zgjasë gjatë gjithë jetës.
Protetik
Protetika dentare merret me rikthimin e funksionit dhe estetikës së dhëmbëve përmes zëvendësimit të atyre të humbur ose të dëmtuar rëndë. Ajo përfshin një gamë të gjerë trajtimesh si kurorat, urat, protezat fikse ose të lëvizshme, si dhe rikonstruksione të avancuara orale.
Falë teknologjisë moderne dhe materialeve biokompatibile, protetika ofron zgjidhje të qëndrueshme dhe natyrale, duke i kthyer pacientit jo vetëm buzëqeshjen, por edhe komfortin dhe funksionin normal të përtypjes.
Paradontologji
Paradontologjia është një degë e stomatologjisë që merret me studimin, parandalimin dhe trajtimin e sëmundjeve të indeve paradontale, të cilat përfshijnë dhëmbin, cementin, ligamentin paradontal dhe kockën që e rrethon.
Këto sëmundje, kryesisht gingiviti dhe periodontiti, fillojnë me një inflamacion të lehtë të dhëmboreve (gingivit) nga plaku bakterial, e cila, nëse nuk trajtohet, përparon duke shkatërruar kockën mbështetëse dhe duke shkaktuar lëkundje, madje edhe humbje të dhëmbëve (periodontit).
Radiologji
Radiologjia dentare është një pjesë e rëndësishme e diagnostikës, që përdor imazhe me rreze X dhe teknologji moderne për të identifikuar problemet e dhëmbëve, nofullave dhe strukturave përreth.
Kjo teknologji ndihmon në diagnostikimin e kariesit, infeksioneve, fracturave, cisteve dhe planifikimin e trajtimeve komplekse si implantet dhe ortodoncia. Me pajisje të avancuara dhe siguri maksimale, radiologjia dentare garanton diagnozë të saktë dhe trajtime të personalizuara për çdo pacient.
Endodonci
Endodoncia merret me trajtimin e brendësisë së dhëmbit, duke përfshirë kanalet e rrënjës dhe pulpën dentare. Ky specialitet është i domosdoshëm për shpëtimin e dhëmbëve të dëmtuar rëndë, duke parandaluar nxjerrjen e tyre.
Trajtimet endodontike kryhen me pajisje moderne dhe teknologji të avancuar, duke siguruar precizion, rehati për pacientin dhe rezultate të qëndrueshme.
Estetikë
Estetika dentare ka për qëllim të përmirësojë pamjen e buzëqeshjes duke kombinuar shëndetin oral me harmonin ë vizuale. Ajo përfshin trajtime moderne si zbardhja profesionale e dhëmbëve, fasetat (veneers), kurorat estetike dhe dizajnin e buzëqeshjes.
Me teknologjinë më të avancuar dhe materiale cilësore, çdo trajtim personalizohet sipas nevojave të pacientit për të krijuar buzëqeshje natyrale, të bukur dhe tërheqëse